Sunan Al Bayhaqi: Hadith 15932

(١٥٩٢٦) مکحول کہتے ہیں کہ عبادہ بن صامت نے ایک نبطی کو بلایا کہ وہ آپ کے جانور کو بیت المقدس کے پاس روک لے۔ اس نے انکار کیا تو آپ نے اسے مارا اور اس کا سر پھاڑ دیا۔ بات حضرت عمر تک پہنچی تو آپ نے پوچھا : آپ نے ایسا کیوں کیا ؟ تو عبادہ فرمانے لگے : میں نے اسے کہا کہ میرے جانور کو پکڑ لے، اس نے انکار کیا۔ میں غصے والا شخص ہوں غصہ آیا، میں نے اسے مار دیا۔ تو عمر فرمانے لگے : بیٹھو قصاص دو تو زید بن ثابت فرمانے لگے : کیا اپنے غلام کو اپنے بھائی سے قصاص لے کر دو گے ؟ تو عمر نے قصاص کو چھوڑ دیا اور دیت کے ساتھ فیصلہ فرمایا۔ مکحول کی عمر (رض) سے ملاقات نہیں۔