Sunan Al Bayhaqi: Hadith 15969

(١٥٩٦٣) عمرو بن شعیب فرماتے ہیں : بنو مدلج کے ایک قتادہ نامی شخص نے اپنے بیٹے کو تلوار پھینک کر ماری وہ لگ گئی وہ زخمی ہوا اور مرگیا۔ سراقہ بن جعشم حضرت عمر کے پاس آئے تو حضرت عمر کو یہ قصہ بتایا۔ حضرت عمر نے فرمایا کہ ١٢٠ اونٹ تیار کرو اور میرا انتظار کرو تو حضرت عمر آئے، ان اونٹوں میں ٣٠ حقے، ٣٠ جذعے اور ٤٠ خلفہ اونٹ لیے اور فرمایا : مقتول کا بھائی کہاں ہے ؟ تو اس نے کہا : میں یہاں ہوں۔ فرمایا : یہ لے لو۔ بیشک رسول اللہ (صلی اللہ علیہ وآلہ وسلم) نے فرمایا : قاتل کے لیے کچھ بھی نہیں ہے۔
امام شافعی (رح) فرماتے ہیں کہ میں نے بہت سارے اہل علم سے سنا ہے کہ والد کو بیٹے کے بدلے قتل نہیں کیا جائے گا اور میں بھی یہی کہتا ہوں۔
شیخ (رح) فرماتے ہیں یہ روایت منقطع ہے اور امام شافعی (رح) نے جو بہت سارے علماء سے تاکید کی ہے وہ موصولاً ہے۔