Sunan Al Bayhaqi: Hadith 16102

(١٦٠٩٦) حضرت انس فرماتے ہیں ربیع بنت نضر نے ایک لونڈی کو تھپڑ مارا اور اس کے ثنیہ دانت توڑ دیے، انھوں نے معافی مانگی لیکن انھوں نے انکار کردیا۔ انھوں نے دیت کی بات کی تو بھی انکار کردیا۔ فیصلہ نبی (صلی اللہ علیہ وآلہ وسلم) کے پاس آیا تو آپ نے قصاص کا حکم دے دیا۔ انس بن نضر کہنے لگے : اے اللہ کے رسول ! کیا ربیع کے بھی ثنیہ دانت توڑے جائیں گے ؟ قسم ہے اس ذات کی جس نے آپ کو حق کے ساتھ بھیجا ایسا نہیں ہوسکتا تو آپ (صلی اللہ علیہ وآلہ وسلم) نے فرمایا : اے انس ! کتاب اللہ کا فیصلہ قصاص ہے۔ قوم دیت پر راضی ہوگئی تو آپ نے فرمایا : اللہ کے بندوں میں ایسے بھی ہیں کہ اگر وہ اللہ پر قسم اٹھالیں تو اللہ ان کی قسم پوری فرما دیتے ہیں۔