Sunan Al Bayhaqi: Hadith 16101

(١٦٠٩٥) انس (رض) فرماتے ہیں کہ ربیع کی بہن ام حارثہ نے ایک انسان کو زخمی کردیا۔ جھگڑا نبی (صلی اللہ علیہ وآلہ وسلم) کے پاس آگیا تو آپ نے فیصلہ فرمایا کہ قصاص ہوگا۔ ام ربیع کہنے لگی : اے اللہ کے رسول ! کیا فلانہ سے بھی قصاص لیا جائے گا ؟ اللہ کی قسم ! ہرگز نہیں۔ تو نبی (صلی اللہ علیہ وآلہ وسلم) نے فرمایا : اللہ کی کتاب میں قصاص ہی ہے۔ تو وہ کہنے لگی : اللہ کی قسم ! قصاص کبھی نہیں لیا جاسکتا، وہ ہمیشہ یہی کہتی رہی یہاں تک کہ وہ لوگ دیت پر راضی ہوگئے تو آپ (صلی اللہ علیہ وآلہ وسلم) نے فرمایا : اللہ کے کتنے ہی ایسے بندے ہیں کہ اگر وہ اللہ پر قسم اٹھالیں تو اللہ ان کو بری کردیتے ہیں۔