Sunan Al Bayhaqi: Hadith 16580

(١٦٥٧٤) ابن عباس فرماتے ہیں کہ ایک مرتبہ حضرت علی (رض) نبی (صلی اللہ علیہ وآلہ وسلم) کے پاس سے نکلے۔ جب آپ (صلی اللہ علیہ وآلہ وسلم) مرض الموت میں تھے۔ لوگوں نے پوچھا : اے ابو حسن ! نبی (صلی اللہ علیہ وآلہ وسلم) کیسے ہیں ؟ فرمایا : الحمد للہ بہتر ہیں۔ عباس بن عبدالمطلب نے علی کا ہاتھ پکڑا اور کہا : آپ اللہ کی قسم ! تین کے بعد لاٹھی والے ہیں اور مجھے لگتا ہے کہ اسی تکلیف میں نبی (صلی اللہ علیہ وآلہ وسلم) فوت ہوجائیں گے اور موت کے وقت میں بنو عبدالمطلب کے چہروں کو جانتا ہوں؛ لہٰذا چلو نبی (صلی اللہ علیہ وآلہ وسلم) سے امارت کے بارے میں پوچھ لیں۔ اگر ہم میں ہوگی تو پتہ چل جائے گا۔ اگر غیروں میں ہوگی تو ہم بات کریں گے کہ ہمارے بارے میں وصیت فرما دیں تو علی فرمانے لگے : میں آپ (صلی اللہ علیہ وآلہ وسلم) سے کبھی سوال نہیں کروں گا؛ کیونکہ اگر آپ نے منع کردیا تو لوگ پھر کبھی ہمیں یہ نہیں دیں گے۔