Sunan Al Bayhaqi: Hadith 16721

(١٦٧١٥) طلحہ کے غلام ابو حبیبہ کہتے ہیں کہ میں حضرت علی (رض) کے پاس آیا، ساتھ عمران بن طلحہ بھی تھے، جنگ جمل کے بعد تو آپ نے ہمیں مرحبا کہا اور اپنے قریب بٹھایا اور فرمایا : مجھے امید ہے کہ مجھے اور آپ کے والد کو اللہ اس آیت میں شامل کرے :{ وَ نَزَعْنَا مَا فِیْ صُدُوْرِھِمْ مِّنْ غِلٍّ } [الاعراف ٤٣، الحجر ٤٧] اور پھر فرمایا : اے بھتیجے ! فلانہ فلانہ فلانہ کیسی ہیں اس سے اس کے باپ کی ماؤں کی اولاد کے بارے میں پوچھا : پھر فرمایا : ہم نے اس سال تمہاری زمین پر قبضہ اس لیے کیا ہے کہ مجھے ڈر ہے کہ وہاں سے ہم پر ڈاکے پڑیں گے اور کہا : اے فلاں ! ابن قرظہ کے پاس جاؤ اور اسے کہو کہ اسے ان سالوں کا غلہ دے دے اور ان کی زمین بھی لوٹا دے۔ آپ کے پہلو میں دو آدمی بیٹھے تھے۔ ان میں سے ایک کہنے لگا، جس کا نام حارث اعور تھا کہ اللہ سب سے بڑا عادل ہے۔ یہ کیسے ہوسکتا ہے کہ ہم ان سے لڑیں بھی اور پھر جنت میں وہ ہمارے بھائی بھی ہیں تو حضرت علی نے فرمایا : دونوں کھڑے ہو جاؤ اور یہاں سے دور چلے جاؤ۔ جب میں اور طلحہ ایسے ہوسکتے ہیں تو باقی کیوں نہیں ؟ اے بھتیجے ! اگر کوئی ضرورت ہو تو میرے پاس آنا۔