Sunan Al Bayhaqi: Hadith 17005

(٩٩ ١٦٩) ابن مسیب کہتے ہیں کہ اسلم قبیلے کا ایک شخص ابوبکر کے پاس آیا اور زنا کا اعتراف کیا تو ابوبکر (رض) نے پوچھا : میرے علاوہ کسی اور کو بھی بتایا ہے ؟ کہا : نہیں تو فرمایا : پھر توبہ کرلو اور چھپا کے رکھو لیکن اس سے نہ رہا گیا۔ حضرت عمر کو بتایا تو حضرت عمر نے بھی ابوبکر والا جواب دیا۔ پھر نبی (صلی اللہ علیہ وآلہ وسلم) کے پاس آگیا، آپ نے اس سے اعراض کرلیا لیکن اس کے بار بار اصرار کرنے کے بعد آپ نے اس کے گھر سے معلوم کروایا کہ کیا یہ مجنوں تو نہیں ؟ انھوں نے کہا : نہیں یہ تو بالکل صحیح ہے تو نبی (صلی اللہ علیہ وآلہ وسلم) نے پوچھا : شادی شدہ ہو یا غیر شادی شدہ ؟ تو کہا : شادی شدہ تو آپ نے اسے رجم کرنے کا حکم دے دیا۔