Sunan Al Bayhaqi: Hadith 17994

(١٧٩٨٨) حضرت سعید بن جبیر فرماتے ہیں کہ میں نے ابن عباس (رض) سے سورة انفال کے بارے میں بات کی تو انھوں نے فرمایا : یہ بدر کے بارے میں نازل ہوئی ہے۔
امام شافعی (رح) فرماتے ہیں کہ عبداللہ بن جحش اور ابن حضرمی کے واقعہ جو دلیل لی جاتی ہے یہ واقعہ بدر سے پہلے کا ہے اور ان آیات کے نزول سے پہلے کا ہے جبکہ ان کا واقعہ حرمت والے مہینوں کے آخر میں ہوا تو انھوں نے اس میں توقف کیا یہاں تک یہ آیت نازل ہوئی : { یَسْئَلُوْنَکَ عَنِ الشَّھْرِ الْحَرَامِ قِتَالٍ فِیْہِ قُلْ قِتَالٌ فِیْہِ کَبِیْرٌ} [البقرۃ ٢١٧] ” یہ تجھ سے حرمت والے مہینے میں لڑنے کے بارے میں پوچھتے ہیں، کہہ دے کہ اس میں لڑنا بہت بڑا ہے۔ “ اور امام اوزاعی کو اختلاف کرنے کے لیے کوئی راستہ نہیں۔ شیخ فرماتے ہیں کہ ابن جحش کا قصہ جندب بن عبداللہ کی روایت میں ذکر ہوگیا ہے۔