Sunan Al Bayhaqi: Hadith 18795

(١٨٧٨٩) عبد الرحمن بن ابی بکر (رض) فرماتے ہیں کہ ہم ١٣٠ ساتھی نبی (صلی اللہ علیہ وآلہ وسلم) کے ساتھ تھے۔ نبی (صلی اللہ علیہ وآلہ وسلم) نے پوچھا : کیا کسی کے پاس کھانا موجود ہے ؟ جب کسی شخص کے پاس ایک صاعگندم ہوتی تو اسے گوند لیا جاتا ۔ پھر ایک مشرک آدمی لمبے پراگندہ بالوں والا بکریاں لیکر آیا۔ فرمایا : کیا یہ فروخت کرو گے یا ہبہ ہے ؟ اس نے کہا : فروخت کرنا ہے، آپ نے اس سے ایک بکری خرید لی، اسے ذبح کیا گیا، رسول اللہ (صلی اللہ علیہ وآلہ وسلم) نے پیٹ کے گوشت کے بارے میں حکم دیا کہ اسے بھوتا جائے، اللہ کی قسم ! ہم ایک سو تیس شخص تھے آپ نے ہمیں اس گوشت سے کاٹ کردیا ۔ اگر کوئی موجود نہ ہوتا تو اس کے لیے الگ کر کے رکھ لیتے۔ راوی کہتے ہیں کہ آپ نے اس گوشت کو دو پلیٹوں میں ڈال دیا، ہم تمام نے سیر ہو کر کھایا۔ پھر جو باقی بچا اونٹ پر لاد لیا یا جیسے آپ نے فرمایا۔