Sunan Al Bayhaqi: Hadith 1892

(١٨٩٢) (الف) ابی عبیدہ سے روایت ہے کہ عبداللہ (رض) نے فرمایا کہ مشرکین نے خندق کے دن نبی (صلی اللہ علیہ وآلہ وسلم) کو چار نمازوں سے مشغول کردیا، یہاں تک کہ رات کا کافی حصہ گزر گیا، پھر آپ (صلی اللہ علیہ وآلہ وسلم) نے بلال (رض) کو حکم دیا تو انھوں نے اذان دی اور اقامت کہی۔ آپ نے ظہر کی نماز پڑھائی، پھر انھوں نے اقامت کہی تو آپ (صلی اللہ علیہ وآلہ وسلم) نے عصر کی نماز پڑھائی، پھر انھوں نے اقامت کہی تو آپ نے مغرب کی نماز پڑھائی ‘ پھر انھوں نے اقامت کہی تو آپ (صلی اللہ علیہ وآلہ وسلم) نے عشا کی نماز پڑھائی۔
(ب) ہشام دستوائی نے ابو زبیر سے روایت کی ہے انمیں اذان سے متعلق اختلاف کیا گیا۔ بعض نے ان سے یاد کیا اور بعض نے نہیں۔ امام اوزاعی ابو زبیر سے نقل فرماتے ہیں کہ بعض نے بعض کی ایک ایک اقامت میں متابعت کی ہے۔