Sunan Al Bayhaqi: Hadith 18943

(١٨٩٣٧) رافع بن خدیج نے رسول اللہ (صلی اللہ علیہ وآلہ وسلم) سے کہا : کل ہم دشمن سے ملنے والے ہیں، ہمارے پاس چھریاں نہیں ہیں۔ رسول اللہ (صلی اللہ علیہ وآلہ وسلم) نے فرمایا : جلدی کر، جو چیز خون بہا دے اور اللہ کا نام لیا گیا ہو کھاؤ، لیکن دانت اور ناخن سے ذبح نہ کیا گیا ہو، میں تمہیں بتاتا ہوں دانت ہڈی ہے اور ناخن حبشہ کی چھری ہے۔ جلد باز لوگوں نے بکریاں ذبح کردیں اور ہنڈیاں پکانے کے لیے رکھ دیں اور رسول اللہ (صلی اللہ علیہ وآلہ وسلم) سب سے آخر میں تھے۔ جب نبی (صلی اللہ علیہ وآلہ وسلم) کا گزر ہنڈیوں کے پاس سے ہوا تو انھیں انڈیلنے کا حکم دے دیا اور ان کے درمیان تقسیم کردیا۔ آپ نے ایک اونٹ کو دس بکریوں کے برابر قرار دیا۔ لوگوں کا اونٹ بھاگ گیا۔ ان کے پاس گھوڑا بھی نہیں تھا۔ ایک شخص نے تیر مارا تو اللہ نے اس کو روک دیا تو آپ نے فرمایا : یہ اونٹ بھاگ جاتے ہیں جس طرح جنگلی جانور ہوتے ہیں۔ جب کوئی اونٹ بھاگ جائے تو اس کے ساتھ یہی سلوک کر کے کھالو۔