Sunan Al Bayhaqi: Hadith 19123

(١٩١١٧) جندب بن سفیان فرماتے ہیں : میں قربانی کے دن رسول اللہ (صلی اللہ علیہ وآلہ وسلم) کے ساتھ تھا کہ ایک شخص نے کہا : لوگوں نے نماز سے پہلے ہی قربانیاں کردی ہیں۔ آپ (صلی اللہ علیہ وآلہ وسلم) نے فرمایا : جس نے نماز سے پہلے قربانی کردی تو اس کی جگہ دوسری قربانی کرے۔ جس نے ابھی تک قربانی نہیں کی وہ اللہ کا نام لے کر قربانی کرے۔
(ب) صفار کی روایت میں ہے کہ آپ (صلی اللہ علیہ وآلہ وسلم) کو لوگوں کی قربانیوں کے بارے میں علم ہوا تو آپ (صلی اللہ علیہ وآلہ وسلم) نے فرمایا : ان کی جگہ اور قربانیاں کرو اور جس نے ابھی تک قربانی نہیں کی۔ وہ اللہ کا نام لے کر قربانی کرے۔ ان احادیث سے معلوم ہوا کہ نماز سے پہلے کی ہوئی قربانی شمار نہ کی جائے گی۔