Sunan Al Bayhaqi: Hadith 19226

(١٩٢٢٠) عبداللہ بن واقد بن عبداللہ فرماتے ہیں کہ رسول اللہ (صلی اللہ علیہ وآلہ وسلم) نے قربانی کا گوشت تین دن کے بعد کھانے سے منع فرمایا : عبداللہ بن ابی بکر کہتے ہیں : میں نے عمرہ سے ذکر کیا تو فرمایا : اس نے سچ کہا ہے۔ کیونکہ میں نے حضرت عائشہ (رض) کو یہ فرماتے ہوئے سنا ہے کہ نبی (صلی اللہ علیہ وآلہ وسلم) کے دور میں دیہاتی لوگ قربانی کے موقع پر شہر آتے تو رسول اللہ (صلی اللہ علیہ وآلہ وسلم) نے فرمایا : تیسرا حصہ ذخیرہ کرو، باقی کو تقسیم کر دو ۔ فرماتی ہیں کہ اس کے بعد کہا گیا : اے اللہ کے رسول ! لوگ اپنی قربانیوں کی چربی پگھلا لیتے ہیں اور چمڑے سے مشکیزے بنا کر فائدہ حاصل کرتے ہیں تو رسول اللہ نے پوچھا : حرج کی کیا بات ہے ؟ تو انھوں نے کہا : اے اللہ کے رسول ! آپ نے قربانی کے گوشت تین دن کے بعد کھانے سے منع فرمایا ہے۔ آپ (صلی اللہ علیہ وآلہ وسلم) نے فرمایا : میں نے صرف دیہاتی لوگوں کے قربانی کے موقع پر آنے کی وجہ سے منع کیا تھا اب کھاؤ، صدقہ کرو اور ذخیرہ کرو۔