Sunan Al Bayhaqi: Hadith 19959

(١٩٩٥٣) ابودرداء (رض) فرماتے ہیں کہ اللہ نے اپنے نبی (صلی اللہ علیہ وآلہ وسلم) کو مالغنیمت میں اونٹ عطا کیے۔ آپ (صلی اللہ علیہ وآلہ وسلم) نے وہ تقسیم کردیے تو ابو موسیٰ (رض) نے آپ سے اونٹوں کا مطالبہ کیا۔ آپ (صلی اللہ علیہ وآلہ وسلم) نے انکار کردیا، یہ تین مرتبہ ہوا۔ آپ (صلی اللہ علیہ وآلہ وسلم) نے فرمایا : میں نہیں دوں گا۔ فرماتے ہیں : باقی چار اونٹ بچے تو آپ (صلی اللہ علیہ وآلہ وسلم) نے فرمایا : اے ابوموسیٰ (رض) لے جاؤ۔ کہنے لگے : اے اللہ کے نبی (صلی اللہ علیہ وآلہ وسلم) میں نے مطالبہ کیا، آپ (صلی اللہ علیہ وآلہ وسلم) نے قسم اٹھائی کہ نہ دوں گا، لیکن کہیں آپ (صلی اللہ علیہ وآلہ وسلم) بھول تو نہیں گئے ؟ فرمایا : میں کسی کام پر قسم اٹھالوں، پھر دوسرا اس سے افضل ہو تو اپنی قسم کا کفارہ دے کر بہتر کام کرلیتا ہوں۔