Sunan Al Bayhaqi: Hadith 20777

(٢٠٧٧١) زید بن وہب حضرت ابوذر (رض) سے نقل فرماتے ہیں کہ میں ایک رات نکلا کہ اچانک رسول اللہ (صلی اللہ علیہ وآلہ وسلم) چل رہے تھے، لیکن آپ (صلی اللہ علیہ وآلہ وسلم) کے ساتھ کوئی انسان نہ تھا۔ حدیث کو ذکر کیا۔ کہتے ہیں : جب آپ (صلی اللہ علیہ وآلہ وسلم) آئے تو میں صبر نہ کرسکا۔ میں نے کہہ دیا : اے اللہ کے نبی (صلی اللہ علیہ وآلہ وسلم) ! اللہ مجھے آپ پر قربان کر دے۔ آپ (صلی اللہ علیہ وآلہ وسلم) مدینہ کے پتھریلے علاقے میں کس سے بات چیت کر رہے تھے۔ میں نے کسی چیز کو آپ کی طرف آتے ہوئے نہیں دیکھا ؟ آپ (صلی اللہ علیہ وآلہ وسلم) نے فرمایا : یہ جبرائیل تھے جو آئے تھے۔ اس نے کہا : اپنی امت کو بشارت دے دو جو شرک کیے بغیر فوت ہوگیا وہ جنت میں داخل ہوجائے گا۔ میں نے کہا : اے جبرائیل ! اس نے چوری اور زنا بھی کیا ہو۔ اس نے کہا : ہاں ! اگرچہ اس نے زنا اور چوری بھی کی ہو۔ میں نے کہا : اگرچہ اس زنا اور چوری بھی کی ہو ؟ اگرچہ وہ زانی، چور اور شرابی ہی کیوں نہ ہو۔