Sunan Al Bayhaqi: Hadith 20778

(٢٠٧٧٢) معروز بن سوید حضرت ابوذر (رض) سے نقل فرماتے ہیں کہ رسول اللہ (صلی اللہ علیہ وآلہ وسلم) نے فرمایا : میں جنت میں داخل ہونے والے آخری آدمی کو جانتا ہوں اور جہنم سے سب سے آخر میں نکلنے والے کو بھی جانتا ہوں۔ قیامت کے دن ایک آدمی کو لایا جائے گا، کہا جائے گا : اس کے صغیرہ گناہ اس پر پیش کرو۔ کبیرہ پیش نہ کرنا۔ صغیرہ گناہ پیش کیے جائیں گے ت : کہا جائے گا : تو نے یہ یہ کام کیے فلاں فلاں دن تو وہ اعتراف کرے گا۔ انکار کی جرأت نہ ہوگی، کبیرہ گناہوں سے خوف کھائے گا کہ وہ پیش نہ کردیے جائیں تو اس کو کہہ دیا جائے گا : ہر برائی کے بدلے نیکی تجھے ملے گی، پھر کہے گا : اے اللہ ! میں نے بہت سارے اعمال کیے جو مجھے یہاں نظر نہیں آرہے۔ میں نے نبی (صلی اللہ علیہ وآلہ وسلم) کو دیکھا، آپ ہنس رہے تھے کہ آپ کی داڑھ مبارک نظر آنے لگی۔