Sunan Al Bayhaqi: Hadith 21294

(٢١٢٨٨) حضرت ابوہریرہ (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : دو عورتوں کے پاس بچے تھے ایک کے بچے کو بھیڑیا لے گیا، وہ کہنے لگی : تیرے بیٹے کو بھیڑیا لے گیا ہے، دوسری کہنے لگی : تیرے بیٹے کو بھیڑیا لے گیا ہے، فیصلہ داؤد (علیہ السلام) کے پاس آیا تو انھوں نے بڑی کے حق میں فیصلہ فرما دیا۔ ان کا گزر سلیمان بن داؤد (علیہ السلام) کے پاس سے ہوا تو انھوں نے اپنا واقعہ بیان کیا۔ فرمانے لگے : چھری لاؤ میں دونوں میں تقسیم کر دوں تو چھوٹی کہنے لگی : اللہ آپ پر رحم فرمائے، ایسا نہ کرو ، بیٹا اس کا ہی ہے تو انھوں نے چھوٹی کے حق میں فیصلہ فرما دیا۔ ابوہریرہ (رض) فرماتے ہیں : ” سکین “ کا لفظ ہم نے کبھی نہیں سنا تھا، ہم تو ” مدیہ “ کا لفظ بولا کرتے تھے۔