Sunan Al Bayhaqi: Hadith 21459

(٢١٤٥٣) سعید بن جبیر ابن عباس (رض) سے نقل فرماتے ہیں کہ { وَ الَّذِیْنَ عَقَدَتْ اَیْمَانُکُمْ فَاٰتُوْھُمْ نَصِیْبَھُمْ } [النساء ٣٣] ” جن لوگوں سے تم عہد کرچکے ہو ان کو بھی ان کا حصہ دو ۔ “
جب مہاجرین مدینہ آئے تو انصار نے ان کو اپنا وارث صرف نبی (صلی اللہ علیہ وآلہ وسلم) کے بھائی چارے کی وجہ سے بنادیا تو یہ آیت نازل ہوئی : { وَ لِکُلٍّ جَعَلْنَا مَوَالِیَ مِمَّا تَرَکَ الْوَالِدٰنِ وَ الْاَقْرَبُوْنَ } [النساء ٣٣] جو ماں باپ اور رشتہ دار چھوڑ مریں، ہم نے ہر ایک کے حق مقرر کردیے ہیں “ یہ منسوخ کی گئی، پھر فرمایا : { وَ الَّذِیْنَ عَقَدَتْ اَیْمَانُکُمْ فَاٰتُوْھُمْ نَصِیْبَھُمْ } [النساء ٣٣] ” جن لوگوں سے تم عہد کرچکے ہو ان کو بھی ان کا حصہ دو ۔ “ مدد کرنا، نصیحت اور وصیت کرنا اور میراث ختم ہوجائے گی۔
(ب) عکرمہ ابن عباس (رض) سے نقل فرماتے ہیں : { وَ الَّذِیْنَ عَقَدَتْ اَیْمَانُکُمْ فَاٰتُوْھُمْ نَصِیْبَھُمْ } [النساء ٣٣] آدمی دوسرے کا حلیف ہے دونوں کے درمیان نفس تعلق بھی نہیں، ایک دوسرے کا وارث ہو تو سورة انفال نے اس کو منسوخ کردیا : { وَأُولُو الأَرْحَامِ بَعْضُہُمْ أَوْلَی بِبَعْضٍ } رشتہ دار خدا کے حکم سے ایک دوسرے کے زیادہ حق دار ہیں۔