Sunan Al Bayhaqi: Hadith 2371

(٢٣٧١) (ا) قیس بن ابو حازم سے روایت ہے کہ میں نے بصرہ میں سیدنا ابن عباس کے پیچھے نماز ادا کی ۔ انھوں نے پہلی رکعت میں سورة فاتحہ اور سورة بقرہ کی ایک آیت پڑھی، پھر رکوع کیا۔ پھر دوسری رکعت کے لیے کھڑے ہوئے اور اس میں سورة فاتحہ پڑھی اور سورة بقرہ کی دوسری آیت پڑھی، پھر رکوع کیا۔ جب نماز سے فارغ ہوئے تو ہماری طرف متوجہ ہو کر فرمایا : اللہ تعالیٰ فرماتے ہیں : { فَاقْرَئُ وا مَا تَیَسَّرَ مِنْہُ } [المزمل : ٢٠] قرآن میں سے جو آسان ہو وہ پڑھا کرو۔
(ب) علی بن عمر فرماتے ہیں : یہ سند حسن ہے اور اس میں اس شخص کے لیے دلیل ہے جو کہتا ہے کہ اللہ کے اس قول { فَاقْرَئُ وا مَا تَیَسَّرَ مِنْہُ } [المزمل : ٢٠] ” قرآن میں سے جو آسان ہو پڑھو۔ “ سے مراد سورة فاتحہ ہے۔