Sunan Al Bayhaqi: Hadith 2380

(٢٣٨٠) (ا) حضرت انس بن مالک (رض) سے روایت ہے کہ ایک مرتبہ رسول اللہ (صلی اللہ علیہ وآلہ وسلم) ہمارے درمیان جلوہ افروز تھے کہ اچانک آپ پر اونگھ طاری ہوگئی، پھر (کچھ دیر بعد) آپ نے مسکراتے ہوئے اپنا سر مبارک اٹھایا تو ہم نے عرض کیا : اے اللہ کے رسول ! آپ کو کس چیز نے ہنسا دیا ؟ آپ نے فرمایا : ابھی ابھی مجھ پر ایک سورة نازل ہوئی ہے۔ پھر آپ (صلی اللہ علیہ وآلہ وسلم) پڑھنے لگے۔ بِسْمِ اللَّہِ الرَّحْمَنِ الرَّحِیمِ {إِنَّا أَعْطَیْنَاکَ الْکَوْثَرَ } [الکوثر : ١]۔۔۔ پھر مکمل حدیث ذکر کی۔
[صحیح۔ وقد تقدم فی الذی قبلہ ]
(ب) انہی الفاظ سے اور بھی کئی راویوں نے اس کو نقل کیا ہے اور بعض راویوں نے آنفا کا لفظ ذکر نہیں کیا ۔ اس بارے میں اہل تفسیر اور مغازی کے ہاں مشہور قول یہ ہے کہ یہ سورت مکی ہے اور علی بن حجر کی حدیث کے الفاظ ان کے خلاف نہیں ہیں، شاید یہ بہتر ہو۔