Sunan Al Bayhaqi: Hadith 2381

(٢٣٨١) (ا) ام المومنین سیدہ عائشہ (رض) سے واقعہ افک سے متعلق منقول ہے کہ رسول اللہ (صلی اللہ علیہ وآلہ وسلم) بیٹھے تھے، آپ نے اپنے چہرے سے پردہ ہٹایا اور یہ آیت تلاوت کی : أَعُوذُ بِاللَّہِ السَّمِیعِ الْعَلِیمِ مِنَ الشَّیْطَانِ الرَّجِیمِ {إِنَّ الَّذِینَ جَائُ وا بِالإِفْکِ } [النور : ١١] ۔
(ب) ابوداؤد کہتے ہیں : مجھے خدشہ ہے کہ استعاذہ کی زیادتی حمید کا کلام نہ ہو۔
(ج) شیخ (رح) فرماتے ہیں کہ نبی (صلی اللہ علیہ وآلہ وسلم) نے بِسْمِ اللَّہِ الرَّحْمَنِ الرَّحِیمِ سورة شروع کرنے سے پہلے پڑھی اور آپ (صلی اللہ علیہ وآلہ وسلم) نے وہ آیات جو سورت کے شروع میں نہ ہوں ان سے پہلے بسم اللہ نہیں پڑھی۔ اس میں اس کی بھی تاکید ہے جو ہم نے ابن عباس (رض) سے نقل کی ہے کہ بسم اللہ مصاحف میں تب ہی لکھی جاتی جب نازل ہوتی۔ واللہ اعلم