Sunan Al Bayhaqi: Hadith 2408

(٢٤٠٨) ابوبکر بن حفص کو سیدنا انس بن مالک (رض) نے خبر دی کہ کہ امیر معاویہ (رض) نے مدینہ میں ایک نماز پڑھائی تو انھوں نے بلند آواز سے قرات کی اور { بِسْمِ اللَّہِ الرَّحْمَنِ الرَّحِیمِ } سورة فاتحہ کے ساتھ ملا کر پڑھی اور اس کے بعد والی سورة کے ساتھ نہیں پڑھی حتیٰ کہ انھوں نے یہ قرات مکمل کرلی اور رکوع و سجدے کے لیے جھکتے وقت تکبیر نہیں کہی اور نماز مکمل کرلی۔ جب انھوں نے سلام پھیرا تو مہاجرین میں سے جو لوگ موجود تھے، انھوں نے جگہ جگہ سے آپ کو آوازیں دینا شروع کردیں کہ اے معاویہ ! کیا آپ نے نماز کو کم کردیا ہے یا بھول گئے ہیں ؟ پھر جب انھوں نے اس کے بعد (دوبارہ) نماز پڑھائی تو { بِسْمِ اللَّہِ الرَّحْمَنِ الرَّحِیمِ } سورة فاتحہ کے بعد والی سورت کے ساتھ بھی پڑھی اور سجدے میں جاتے ہوئے تکبیر بھی کہی۔