Sunan Al Bayhaqi: Hadith 2584

(٢٥٨٤) (ا) حسن سے روایت ہے کہ ابوبکرہ مسجد میں داخل ہوئے اور نبی (صلی اللہ علیہ وآلہ وسلم) رکوع میں جا چکے تھے۔ انھوں نے بھی صف میں ملنے سے پہلے رکوع کرلیا۔ نبی (صلی اللہ علیہ وآلہ وسلم) نے (نماز کے بعد) فرمایا : اللہ تعالیٰ تمہاری (نماز میں) حرص کو بڑھائے۔ دوبارہ اس طرح نہ کرنا۔
(ب) امام شافعی (رح) فرماتے ہیں : آپ (صلی اللہ علیہ وآلہ وسلم) کا فرمان ” لا تعد “ آپ کے اس قول کی طرح ہے ” لا تاتوا الصلاۃ تسعون “ تم نماز کے لیے دوڑتے ہوئے نہ آؤ۔ یعنی تجھے رکوع کرنا ضروری نہیں جب تک تو صف میں اپنی جگہ نہ پہنچ جائے۔ کیونکہ اس میں مشقت ہے۔ جیسا کہ جب تو اقامت سن لے تو تجھے دوڑنا لازمی نہیں۔