Sunan Al Bayhaqi: Hadith 2719

(٢٧١٩) عروہ بن زبیر فرماتے ہیں کہ ام المومنین سیدہ عائشہ (رض) فرماتی ہیں : ایک رات رسول اللہ (صلی اللہ علیہ وآلہ وسلم) میرے ساتھ میرے بستر پر تھے ، رات کو میں نے آپ کو گم پایا ۔ کچھ دیر بعد معلوم ہوا کہ آپ (صلی اللہ علیہ وآلہ وسلم) سجدے کی حالت میں ہیں۔ آپ کی ایڑیاں مضبوطی سے ملی ہوئی تھیں اور انگلیوں کے کنارے آپ نے قبلہ رخ کر رکھے تھے۔ میں نے آپ کو یہ دعا کرتے ہوئے سنا : اے اللہ ! میں تیرے غصے سے تیری پناہ کا طلب گار ہوں اور تیرے عذاب سے تیری معافی چاہتا ہوں اور تجھ سے تیری ہی پناہ میں آتا ہوں ۔ پس جب آپ نماز سے فارغ ہوئے تو کہنے لگے : اے عائشہ ! تجھے تیرے شیطان نے پکڑ لیا ہے تو میں نے کہا : اے اللہ کے رسول ! کیا آپ کے ساتھ بھی شیطان ہے ؟ آپ نے فرمایا : ہر آدمی کے ساتھ شیطان ہوتا ہے۔ میں نے کہا : اے اللہ کے رسول ! کیا آپ کے ساتھ بھی ؟ تو آپ (صلی اللہ علیہ وآلہ وسلم) نے فرمایا : ہاں میرے ساتھ بھی تھا، لیکن میں نے اللہ سے اس کے بارے دعا کی تو اللہ نے اسے میرا مطیع کردیا۔