Sunan Al Bayhaqi: Hadith 2880

(٢٨٨٠) حضرت عبداللہ بن مسعود (رض) سے روایت ہے کہ نبی (صلی اللہ علیہ وآلہ وسلم) اور ابوبکر و عمر (رض) تینوں نکلے۔ ابوبکر (رض) نے آپ کی دعوت کی تھی۔ وہ آپ کے گھر سے مدینہ کی مسجد نبوی کی طرف نکلے، عبداللہ (رض) کھڑے نماز میں قرات کر رہے تھے، پھر وہ بیٹھے انھوں نے تشہد پڑھی۔ پھر اللہ کی خوب حمدوثنا کی، پھر نبی (صلی اللہ علیہ وآلہ وسلم) پر درود بھیجا، پھر انھوں نے خوب گڑ گڑا کر دعا کی، حالانکہ نبی (صلی اللہ علیہ وآلہ وسلم) کھڑے غور سے سن رہے تھے ۔ آپ کہنے لگے : ” مانگ، تو جو مانگے گا تجھے دیا جائے گا۔ ابوبکر (رض) نے کہا : اے اللہ کے رسول ! یہ کون ہے ؟ آپ نے فرمایا : یہ عبداللہ بن ام عبد (رض) ہیں۔ جس کو یہ بات اچھی لگتی ہے کہ وہ قرآن کو آہستہ آہستہ پڑھے جس طرح نازل ہوا ہے تو اسے چاہیے کہ وہ اس طرح پڑھے جس طرح ابن ام عبد (رض) پڑھ رہے تھے۔
ابوبکر صدیق اور عمر (رض) جلدی جلدی چلے تو ابوبکر عمر (رض) سے سبقت لے گئے۔ عمر (رض) نے یقین کرلیا کہ ابوبکر (رض) ان سے سبقت لے گئے ہیں تو عمر (رض) نے کہا : وہ تو ہر نیکی میں سبقت لے جانے والے ہیں۔