Sunan Al Bayhaqi: Hadith 3658

(٣٦٥٨) (ا) سیدہ عائشہ (رض) بیان فرماتی ہیں کہ رسول اللہ (صلی اللہ علیہ وآلہ وسلم) بیمار تھے تو آپ نے حضرت ابوبکر (رض) کو نماز پڑھانے کا حکم دیا، پھر رسول اللہ (صلی اللہ علیہ وآلہ وسلم) کو اپنی طبیعت کچھ بہتر محسوس ہوئی تو آئے اور حضرت ابوبکر (رض) کے پہلو میں جا بیٹھے۔ رسول اللہ (صلی اللہ علیہ وآلہ وسلم) حضرت ابوبکر (رض) کو امامت کروا رہے تھے اور آپ بیٹھے تھے اور حضرت ابوبکر (رض) لوگوں کو نماز پڑھا رہے تھے اور ابوبکر کھڑے تھے۔
(ب) آپ (صلی اللہ علیہ وآلہ وسلم) ایام مرض میں بیٹھ کر نماز ادا کر رہے تھے۔ اس حدیث میں اس چیز کی دلیل ہے جس کا ہم نے باب میں اشارہ کیا ہے۔ حضرت ابوبکر (رض) کے کھڑے ہونے اور آپ (صلی اللہ علیہ وآلہ وسلم) کے بیٹھ کر نماز پڑھانے میں اس بات کی دلیل ہے کہ پہلا حکم منسوخ ہے اور صحیح یہ ہے کہ مقتدی کھڑا ہو کر پڑھے اگرچہ امام عذر کی وجہ سے بیٹھ کر پڑھ رہا ہو۔ وباللہ التوفیق