Sunan Al Bayhaqi: Hadith 3693

(٣٦٩٣) (ا) حضرت ابوہریرہ (رض) بیان فرماتے ہیں کہ رسول اللہ (صلی اللہ علیہ وآلہ وسلم) نے فرمایا : تم میں سے جو شخص { والتین والزتیون۔} (التین : ١) پڑھے اور اس کی آخری آیت { أَلَیْسَ اللَّہُ بِأَحْکَمِ الْحَاکِمِیْنَ } (التین : ٨) ” کیا اللہ تعالیٰ سب فیصلہ کرنے والوں سے بڑھ کر فیصلہ کرنے والا نہیں ہے ؟ “ پر پہنچے تو وہ ” بلی وانا علی ذالک من الشاہدین “ کہے اور جو شخص { لاَ أُقْسِمُ بِیَوْمِ الْقِیَامَۃِ } (القیامۃ : ١) پڑھے اور اس کی آیت { أَلَیْسَ ذَلِکَ بِقَادِرٍ عَلَی أَنْ یُحْیِیَ الْمَوْتَی } [القیامۃ : ٤٠] ” کیا اللہ تعالیٰ اس پر قادر نہیں کہ مردوں کو زندہ کرے۔ “ پر پہنچے تو وہ کہے ” بلی “ اور جو شخص { وَالْمُرْسَلاَتِ } پڑھے اور وہ { فَبِأَیِّ حَدِیثٍ بَعْدَہُ یُؤْمِنُونَ } ” اس کے بعد اور کونسی بات پر وہ ایمان لائیں گے ؟ “ پر پہنچے تو وہ کہے ” آمنا باللہ “
(ب) حضرت اسماعیل بن امیہ (رح) بیان فرماتے ہیں : میں اس دیہاتی شخص کے پاس گیا تاکہ اس سے دوبارہ وہ حدیث سن سکوں کہیں وہ غلطی نہ کر دے ۔ اس دیہاتی نے کہا : بھتیجے ! آپ کا کیا خیال ہے مجھے وہ حدیث یاد نہیں میں نے ساٹھ حج کیے ہیں، ان میں سے ایک حج بھی ایسا نہیں کہ جس اونٹ پر میں نے وہ حج کیا ہو اور میں اس اونٹ کو پہچان نہ سکوں۔