Sunan Al Bayhaqi: Hadith 3873

(٣٨٧٣) عبداللہ بن ابی بکر (رض) بیان کرتے ہیں کہ ابو طلحہ انصاری (رض) اپنے باغ میں نماز پڑھ رہے تھے کہ ایک کبوتر اڑتا ہوا آیا (باغ گھنا ہونے کی وجہ سے) وہ بار بار آجا رہا تھا اور نکلنے کا راستہ تلاش کررہا تھا۔ انھیں اس بات نے تعجب میں ڈالا۔ کچھ وقت کے لیے ان کی نظر پرندے کے پیچھے لگ گئی، پھر جب واپس نماز کی طرف ان کا دھیان آیا تو انھیں یاد ہی نہ رہا کہ کتنی نماز پڑھی ہے ؟ تو کہنے لگے : مجھے میرے اس مال (باغ) نے فتنے میں ڈالا ہے، وہ رسول اللہ (صلی اللہ علیہ وآلہ وسلم) کی خدمت میں حاضر ہوئے تو انھوں نے وہ واقعہ جو باغ میں ان کے ساتھ پیش آیا تھا، جس نے انھیں فتنے میں مبتلا کیا تھا ذکر کیا اور عرض کیا : اے اللہ کے رسول ! میں اس کو صدقہ کرتا ہوں آپ اس میں جو چاہیں تصرف کریں۔