Sunan Al Bayhaqi: Hadith 3908

(٣٩٠٨) ایک دوسری سند سے یہ حدیث منقول ہے اس میں ابوبکر بن سلیمان بن ابی حثمہ بیان کرتے ہیں کہ انھیں یہ بات پہنچی ہے کہ رسول اللہ (صلی اللہ علیہ وآلہ وسلم) نے دو رکعتیں پڑھا کر سلام پھیر دیا تو ذو الشمالین بن عبد (رض) نے کہا : اے اللہ کے رسول ! کیا نماز کم ہوگئی ہے یا آپ بھولے ہیں ؟ رسول اللہ (صلی اللہ علیہ وآلہ وسلم) نے فرمایا : نہ نماز کم ہوئی ہے اور نہ میں بھولا ہوں۔ ذوالشمالین (رض) نے عرض کیا : کچھ نہ کچھ ہوا ہے۔ رسول اللہ (صلی اللہ علیہ وآلہ وسلم) لوگوں کی طرف مڑے اور پوچھا : کیا ذوالشمالین صحیح کہہ رہا ہے ؟ تو انھوں نے کہا : جی ہاں۔ رسول اللہ (صلی اللہ علیہ وآلہ وسلم) کھڑے ہوئے اور باقی نماز مکمل کی اور دو سجدے نہیں کیے جو اس وقت کیے جاتے ہیں جب نماز میں شک پڑجائے۔