Sunan Al Bayhaqi: Hadith 3911

(٣٩١١) ابن عمر (رض) سے روایت ہے کہ رسول اللہ (صلی اللہ علیہ وآلہ وسلم) نے نماز پڑھائی تو بھول گئے اور دو رکعتیں پڑھا کر سلام پھیر دیا تو ایک شخص جسے ذوالیدین کہا جاتا تھا نے عرض کیا : اے اللہ کے رسول ! کیا نماز کم ہوگئی یا آپ بھول گئے ہیں ؟ آپ (صلی اللہ علیہ وآلہ وسلم) نے فرمایا : نہ نماز کم ہوئی اور نہ ہی میں بھولا ہوں۔ اس نے کہا : آپ نے دو رکعتیں پڑھی ہیں۔ آپ (صلی اللہ علیہ وآلہ وسلم) نے پوچھا : کیا ایسے ہی ہے جیسے ذوالیدین کہہ رہا ہے ؟ صحابہ کرام (رض) نے کہا : جی ہاں ! ابن عمر (رض) فرماتے ہیں : آپ نے آگے بڑھ کر دو رکعتیں پڑھائیں، پھر سلام پھیرا اور سہو کے دو سجدے کیے۔