Sunan Al Bayhaqi: Hadith 3912

(٣٩١٢) (ا) عمران بن حصین (رض) بیان کرتے ہیں کہ رسول اللہ (صلی اللہ علیہ وآلہ وسلم) نے عصر کی نماز کی تین رکعتیں پڑھ کر سلام پھیر دیا، پھر (اپنے گھر) چلے گئے۔ ایک شخص ان کی طرف کھڑا ہوا جسے خرباق کہا جاتا ہے وہ لمبے ہاتھوں والا تھا، بولا : اے اللہ کے رسول ! کیا نماز کم ہوگئی ہے ؟ تو رسول اللہ (صلی اللہ علیہ وآلہ وسلم) غصہ کی حالت میں چادر گھسیٹتے ہوئے نکلے اور پوچھا : کیا یہ سچ کہہ رہا ہے ؟ لوگوں نے کہا : جی ہاں ! آپ (صلی اللہ علیہ وآلہ وسلم) کھڑے ہوئے اور وہ رکعت ادا کی (جو رہ گئی تھی) پھر سلام پھیرا اور دو سجدے کئے پھر سلام پھیرا۔
(ب) ابن علیہ کے الفاظ ہیں : ” ثم دخل بمنزلہ “ باقی اس کے بمعنی روایت ہے۔