Sunan Al Bayhaqi: Hadith 4006

(٤٠٠٦) سلیمان بن یسار بیان کرتے ہیں : میں نے ابوہریرہ (رض) کو فرماتے ہوئے سنا کہ میں نے فلاں شخص سے بڑھ کر رسول اللہ (صلی اللہ علیہ وآلہ وسلم) کی نماز کے زیادہ مشابہ کسی کی نماز نہیں دیکھی جو اہل مدینہ کا امیر تھا۔ سلیمان فرماتے ہیں : میں نے ان کے پیچھے نماز پڑھی تو وہ ظہر کی پہلی دو رکعتوں کو لمبا کرتے تھے اور دوسری دو رکعتوں کو مختصر کرتے تھے۔ عصر کی نماز کو بھی مختصر کرتے اور مغرب کی پہلی دو رکعتوں میں ” قصار مفصل “ تلاوت کیا کرتے تھے اور عشا کی پہلی دو رکعتوں میں ” اوساط مفصل “ پڑھتے تھے اور صبح کی نماز میں ” طوال مفصل “ پڑھا کرتے تھے۔
ضحاک (رح) بیان کرتے ہیں : مجھے ایک شخص نے حدیث بیان کی جس نے سیدنا انس (رض) سے سنا کہ میں نے اس نوجوان سے بڑھ کر کسی کی نماز رسول اللہ (صلی اللہ علیہ وآلہ وسلم) کی نماز کے مشابہ نہیں دیکھی، ، وہ عمر بن عبد العزیز (رح) مراد لے رہے تھے۔ ضحاک (رح) کہتے ہیں : میں نے ان کے پیچھے بھی نماز پڑھی وہ اسی طرح پڑھتے تھے جس طرح ابھی اوپر سلیمان بن یسار نے بیان کیا ہے۔