Sunan Al Bayhaqi: Hadith 4047

(٤٠٤٧) عقبہ بن عامر جہنی (رض) فرماتے ہیں : دورانِ سفر میں رسول اللہ (صلی اللہ علیہ وآلہ وسلم) کی اونٹنی کے آگے آگے چلتا رہا، آپ (صلی اللہ علیہ وآلہ وسلم) نے فرمایا : اے عقبہ ! کیا میں تمہیں دو بہترین سورتیں نہ سکھاؤں جو پڑھی جاتی ہیں ؟ میں نے کہا : کیوں نہیں ! اے اللہ کے رسول ! آپ (صلی اللہ علیہ وآلہ وسلم) نے مجھے { قُلْ أَعُوذُ بِرَبِّ الْفَلَقِ } اور { قُلْ أَعُوذُ بِرَبِّ النَّاسِ } سکھائیں۔ آپ نے محسوس کیا کہ مجھے کوئی زیادہ خوشی نہیں ہوئی۔ پھر آپ (صلی اللہ علیہ وآلہ وسلم) نے کو صبح کی نماز پڑھائی تو یہ دو سورتیں (معوذتین) تلاوت فرمائیں۔ جب رسول اللہ (صلی اللہ علیہ وآلہ وسلم) نماز سے فارغ ہوئے تو مجھے فرمایا : اے عقبہ ! تمہارا (ان سورتوں کے بارے میں) کیا خیال ہے ؟