Sunan Al Bayhaqi: Hadith 4048

(٤٠٤٨) عقبہ بن عامر (رض) سے روایت ہے کہ میں دورانِ سفر رسول اللہ (صلی اللہ علیہ وآلہ وسلم) کی اونٹنی کے آگے آگے چلتا رہا پس آپ (صلی اللہ علیہ وآلہ وسلم) نے فرمایا : اے عقبہ ! کیا میں تمہیں دو بہترین سورتیں نہ سکھاؤں جو تلاوت کی جاتی ہیں ؟ پھر آپ (صلی اللہ علیہ وآلہ وسلم) نے { قُلْ أَعُوذُ بِرَبِّ الْفَلَقِ } اور { قُلْ أَعُوذُ بِرَبِّ النَّاسِ } سکھائیں۔ آپ (صلی اللہ علیہ وآلہ وسلم) نے محسوس کیا کہ مجھے کوئی زیادہ خوشی نہیں ہوئی تو صبح جب آپ (صلی اللہ علیہ وآلہ وسلم) لوگوں کو صبح کی نماز پڑھانے کے لیے اترے تو نماز میں یہی دو سورتیں تلاوت فرمائیں۔ رسول اللہ (صلی اللہ علیہ وآلہ وسلم) جب نماز سے فارغ ہوئے تو میری طرف متوجہ ہو کر فرمایا : اے عقبہ ! تمہارا ان سورتوں کے بارے کیا خیال ہے ؟