Sunan Al Bayhaqi: Hadith 4092

(٤٠٩٢) ام جحدر عامریہ نے حضرت عائشہ (رض) سے کپڑے کو حیض کا خون لگ جانے کے بارے میں سوال کیا تو حضرت عائشہ (رض) نے فرمایا : میں نبی (صلی اللہ علیہ وآلہ وسلم) کے ساتھ تھی اور ہمارے جسموں کے ساتھ لگنے والے کپڑے تھے، ان کے اوپر ہم نے چادریں اوڑھی ہوئی تھیں، نبی (صلی اللہ علیہ وآلہ وسلم) نے صبح کے وقت وہ چادر لی اور اسے اوڑھ لیا، پھر آپ (صلی اللہ علیہ وآلہ وسلم) نے صبح کی نماز پڑھائی، ایک شخص نے کہا : اے اللہ کے نبی ! اس کی رنگت خون کی وجہ سے بدلی ہوئی ہے ؟ آپ (صلی اللہ علیہ وآلہ وسلم) نے وہاں سے کپڑا اکٹھا کر کے ایک بچے کے ہاتھ میں میری طرف بھیج دیا اور فرمایا : اس کو دھو اور خشک کر کے میری طرف بھیج دینا۔ حضرت عائشہ (رض) فرماتی ہیں کہ میں نے پیالے میں پانی منگوا کر اسے دھویا اور خشک کر کے نبی (صلی اللہ علیہ وآلہ وسلم) کو واپس بھیج دیا۔ نبی (صلی اللہ علیہ وآلہ وسلم) دوپہر کو آئے تو وہی کپڑا اوڑھے ہوئے تھے۔