Sunan Al Bayhaqi: Hadith 4143

(٤١٤٣) انس بن مالک (رض) فرماتے ہیں کہ ایک دیہاتی مسجد میں آیا اور وہاں پیشاب کرنے لگا، نبی (صلی اللہ علیہ وآلہ وسلم) کے صحابہ نے اسے روکنے کی کوشش کی تو آپ (صلی اللہ علیہ وآلہ وسلم) نے روکنے سے منع کیا۔ جب وہ فارغ ہوا تو نبی (صلی اللہ علیہ وآلہ وسلم) نے بلا کر فرمایا : یہ مسجدیں پاخانہ، پیشاب اور گندگی کے لیے نہیں بنائی گئیں، یہ تو قرآن کی تلاوت اور اللہ کے ذکر کے لیے بنائی گئی ہیں، پھر آپ (صلی اللہ علیہ وآلہ وسلم) کسی صحابی کو حکم دیا وہ پانی کا ڈول لایا اور آپ (صلی اللہ علیہ وآلہ وسلم) نے اس پر پانی کو بہا دیا۔