Sunan Al Bayhaqi: Hadith 4360

(٤٣٦٠) ابوہریرہ (رض) فرماتے ہیں کہ نبی (صلی اللہ علیہ وآلہ وسلم) نے فرمایا : بکریاں جنتی جانوروں میں سے ہیں، ان کے ناک کی بلغم صاف کردیا کرو اور ان کے باڑے میں نماز پڑھ لیا کرو۔
(ب) امام شافعی (رح) فرماتے ہیں کہ میں اونٹوں کے باڑے میں نماز پڑھنے کو مکروہ جانتا ہوں، اگرچہ ان میں گندگی نہ بھی ہو کیونکہ نبی (صلی اللہ علیہ وآلہ وسلم) نے منع کیا ہے۔ اگر کوئی نماز پڑھ لیتا ہے تو ہوجائے گی کیونکہ نبی (صلی اللہ علیہ وآلہ وسلم) نماز پڑھ رہے تھے اور آپ (صلی اللہ علیہ وآلہ وسلم) کے پاس سے شیطان گزرا، آپ (صلی اللہ علیہ وآلہ وسلم) نے اس کی گردن دبا دی تو آپ (صلی اللہ علیہ وآلہ وسلم) نے اس کی زبان کی ٹھنڈک اپنے ہاتھ میں محسوس کی اور اس سے آپ (صلی اللہ علیہ وآلہ وسلم) کی نماز فاسد نہیں ہوئی۔