Sunan Al Bayhaqi: Hadith 4387

(٤٣٨٧) ابوہریرہ (رض) فرماتے ہیں کہ صفوان بن معطل (رض) نے نبی (صلی اللہ علیہ وآلہ وسلم) سے عرض کیا : اے اللہ کے نبی ! میں آپ سے ایسے معاملہ کے بارے میں سوال کرنے آیا ہوں کہ آپ اس کو جانتے ہیں میں نہیں جانتا۔ کیا رات اور دن میں ایسے اوقات ہیں جن میں نماز پڑھنا ممنوع ہے ؟ آپ (صلی اللہ علیہ وآلہ وسلم) نے فرمایا : ہاں جب تو فجر کی نماز پڑھ لے تو سورج کے طلوع ہونے تک نماز چھوڑ دے کیونکہ یہ شیطان کے دو سینگوں کے درمیان طلوع ہوتا ہے۔ یہ ایسی نماز ہے جس میں فرشتے حاضر ہوتے ہیں اور یہ مقبول ہے۔ پھر جب سورج تیرے سر پر نیزے کی طرح بلند ہوجائے تو نماز سے رک جا؛کیونکہ اس وقت جہنم کو بھڑکایا جاتا ہے اور جہنم کے دروازے کھولے جاتے ہیں یہاں تک کہ سورج تیری دائیں جانب بلند ہوجائے۔ جب سورج ڈھل جائے تو نماز پڑھ اس میں بھی فرشتے موجود ہوتے ہیں یہاں تک کہ تو عصر کی نماز پڑھ لے، پھر سورج کے غروب ہونے تک نماز چھوڑ دے۔