Sunan Al Bayhaqi: Hadith 444

(٤٤٥) (الف) ابو تیاح ایک شخص سے نقل کرتے ہیں کہ جب ابن عباس (رض) بصرہ تشریف لائے تو انھوں نے بصرہ والوں سے سنا کہ سیدنا ابوموسیٰ (رض) نبی (صلی اللہ علیہ وآلہ وسلم) سے احادیث بیان کرتے ہیں تو آپ نے ابو موسیٰ (رض) کی طرف خط لکھ کر اس کے بارے میں پوچھا۔ ابو موسیٰ (رض) نے ان کو لکھا کہ رسول اللہ (صلی اللہ علیہ وآلہ وسلم) چل رہے تھے اچانک آپ (صلی اللہ علیہ وآلہ وسلم) ایک جانب مڑ گئے اور دیوار کی ایک جانب بیٹھے اور پیشاب کیا، پھر آپ (صلی اللہ علیہ وآلہ وسلم) نے فرمایا : نبی اسرائیل والے جب پیشاب کرتے اور ان کے جسم کو پیشاب لگ جاتا تو اس کو قینچیوں کے ساتھ کاٹ دیتے۔ جب تم میں سے کوئی پیشاب کرنے کا ارادہ کرے تو وہ پیشاب کے لیے (نرم) جگہ تلاش کرے۔
(ب) ابو تیاح ایک حدیث میں بیان کرتے ہیں کہ آپ (صلی اللہ علیہ وآلہ وسلم) دیوار کی جڑ میں نرم جگہ پر آئے تو آپ (صلی اللہ علیہ وآلہ وسلم) نے پیشاب کیا پھر فرمایا : جب تم سے کوئی پیشاب کرنے کا ارادہ کرے تو وہ نرم جگہ تلاش کرے۔