Sunan Al Bayhaqi: Hadith 4554

(٤٥٥٤) ابوہریرہ (رض) فرماتے ہیں کہ ہم نے نبی (صلی اللہ علیہ وآلہ وسلم) کے ساتھ پڑاؤ ڈالا اور ہم بیدار نہ ہو سکے، یہاں تک کہ سورج طلوع ہوگیا۔ نبی (صلی اللہ علیہ وآلہ وسلم) نے فرمایا : تم اپنی سواریوں پر سوار ہو جاؤ کیونکہ یہ ایسی جگہ ہے جہاں ہمارے ساتھ شیطان بھی حاضر ہوگیا ہے۔ پھر آپ (صلی اللہ علیہ وآلہ وسلم) نے پانی منگوایا اور وضو کیا اور دو رکعت نماز ادا کی۔ پھر نماز کی اقامت کہہ دی گئی تو آپ (صلی اللہ علیہ وآلہ وسلم) نے صبح کی نماز پڑھائی۔
(ب) عمران بن حصین (رض) سے منقول ہے کہ آپ (صلی اللہ علیہ وآلہ وسلم) نے ان دو رکعتوں کو قضا کیا۔