Sunan Al Bayhaqi: Hadith 4579

(٤٥٧٩) ابو ایوب انصاری فرماتے ہیں کہ رسول اللہ (صلی اللہ علیہ وآلہ وسلم) سورج کے ڈھلنے کے بعد چار رکعات پڑھتے تھے۔ ابو ایوب کہتے ہیں : اے اللہ کے رسول ! یہ نماز کیسی ہے ؟ آپ (صلی اللہ علیہ وآلہ وسلم) نے فرمایا : آسمان کے دروازے کھول دیے جاتے ہیں۔ جب سورج ڈھلتا ہے اور ظہر کی نماز تک آسمان کے دروازے بند نہیں کیے جاتے۔ میں پسند کرتا ہوں کہ آسمان کے دروازے بند ہونے سے پہلے میرے نیک اعمال اوپر چڑھائے جائیں۔ میں نے پوچھا : اے اللہ کے رسول ! کیا آپ (صلی اللہ علیہ وآلہ وسلم) ان میں قرأت کرتے ہیں ؟ آپ (صلی اللہ علیہ وآلہ وسلم) نے فرمایا : ہاں ان تمام میں قرأت کرتا ہوں۔ راوی کہتے ہیں : کیا ان کے درمیان سلام کے ذریعہ فاصلہ کیا جاتا ہے۔ آپ (صلی اللہ علیہ وآلہ وسلم) نے فرمایا : نہیں صرف آخری رکعت میں سلام ہوتا ہے۔