Sunan Al Bayhaqi: Hadith 4582

(٤٥٨٢) ہارون بن رء اب فرماتے ہیں کہ احنف بن قیس دمشق کی مسجد میں داخل ہوئے تو انھوں نے ایک شخص کو بہت زیادہ رکوع و سجود کرتے ہوئے دیکھا، فرماتے ہیں : میں دیکھتا رہا کہ وہ جفت یا طاق پر سلام پھرتا ہے۔ احنف کہتے ہیں : جب اس نے نماز مکمل کی تو آپ نے کہا : اے اللہ کے بندے ! کیا تو جانتا ہے کہ تو نے نماز جفت پڑھی ہے یا طاق ؟ وہ کہنے لگا : میں نہیں جانتا، لیکن اللہ جانتا ہے۔ میں نے نبی (صلی اللہ علیہ وآلہ وسلم) سے سنا ہے ان پر اللہ کی رحمتیں اور سلام ہو۔ پھر رو پڑا، پھر اس نے کہا : میں نے اپنے دوست ابوالقاسم (صلی اللہ علیہ وآلہ وسلم) سے سنا کہ جو بندہ اللہ کے لیے ایک سجدہ کرتا ہے تو اللہ اس کا ایک درجہ بلند کردیتا ہے اور اس کی ایک غلطی مٹا دیتا ہے۔ راوی کہتے ہیں : احنف نے پوچھا : آپ کون ہیں اللہ آپ پر رحم کرے ؟ کہنے لگے : ابوذر۔