Sunan Al Bayhaqi: Hadith 4668

(٤٦٦٨) عبدالرحمن بن عوف (رض) فرماتے ہیں : میں نے حضرت عائشہ (رض) سے سوال کیا کہ نبی (صلی اللہ علیہ وآلہ وسلم) جب رات کو نماز کے لیے اٹھتے تو نماز کی ابتدا کس سے کرتے تھے ؟ فرماتی ہیں : جب نبی (صلی اللہ علیہ وآلہ وسلم) رات کو اٹھتے تو نماز کی ابتدا ان الفاظ سے فرماتے : اے اللہ ! جو جبرئیل، میکائیل اور اسرافیل کا رب ہے۔ آسمانوں و زمین کو پیدا کرنے والے، غیب اور حاضر کو جاننے والے ! تو اپنے بندوں کے درمیان فیصلہ کرے گا جس میں وہ اختلاف کرتے تھے۔ اے اللہ ! حق کی طرف میری رہنمائی فرما، اپنے حکم سے جس میں انھوں نے اختلاف کیا۔ بیشک تو سیدھے راستے کی طرف راہنمائی کرتا جسے چاہتا ہے۔