Sunan Al Bayhaqi: Hadith 4697

(٤٦٩٧) جبیر بن نفیر فرماتے ہیں کہ عبداللہ بن عمر (رض) نے ایک نوجوان کو دیکھا ، وہ نماز پڑھ رہا تھا، اس نے اپنی نماز کو لمبا کردیا (یعنی قیام لمبا کیا) اور رکوع و سجود چھوٹے کیے تو عبداللہ بن عمر (رض) نے پوچھا : کوئی ہے جو اس کو جانتا ہو ؟ ایک شخص نے کہا : میں اس کو جانتا ہوں تو عبداللہ بن عمر (رض) کہنے لگے : اگر میں اس پہچانتا تو میں اس کو حکم دیتا کہ وہ رکوع و سجود کو لمبا کرے۔ کیونکہ میں نے نبی (صلی اللہ علیہ وآلہ وسلم) سے سنا کہ جب بندہ نماز کے لیے کھڑا ہوتا ہے تو اس کے گناہ لا کر اس کے سر اور کندھوں پر رکھ دیے جاتے ہیں۔ جب وہ رکوع و سجود کرتا ہے تو وہ گناہ اس سے گرجاتے ہیں۔