Sunan Al Bayhaqi: Hadith 4762

(٤٧٦٢) ابو سعید خدری (رض) فرماتے ہیں کہ ایک شخص نے دوسرے سے سنا وہ { قُلْ ہُوَ اللَّہُ أَحَدٌ} ” کہہ دیجیے اللہ ایک ہے “ پڑھ رہا تھا اور اس کو بار بار دہرا رہا تھا۔ جب اس نے صبح کی تو وہ رسول اللہ (صلی اللہ علیہ وآلہ وسلم) کے پاس آیا اور وہ ذکر کیا جو اس نے دیکھا تھا گویا وہ اس کو کم خیال کررہا تھا۔ قعنبی کہتے ہیں : وہ اس سورت کو کم خیال کررہا تھا۔ آپ (صلی اللہ علیہ وآلہ وسلم) نے فرمایا : قسم ہے اس ذات کی جس کے قبضہ میں میری جان ہے یہ سورت قرآن کے تہائی حصہ کے برابر ہے۔