Sunan Al Bayhaqi: Hadith 4964

(٤٩٦٤) ابی بن کعب فرماتے ہیں کہ ہمیں رسول اللہ (صلی اللہ علیہ وآلہ وسلم) نے عشا کی نماز پڑھائی۔ آپ (صلی اللہ علیہ وآلہ وسلم) نے کچھ آدمیوں کو گم پایا تو آپ (صلی اللہ علیہ وآلہ وسلم) نے پوچھا : فلاں ہے ؟ تو کہا گیا : جی فلاں ہے۔ پھر آپ (صلی اللہ علیہ وآلہ وسلم) نے پوچھا : فلاں ہے ؟ کہا گیا : نہیں۔ پھر آپ (صلی اللہ علیہ وآلہ وسلم) نے پوچھا : فلاں ہے ؟ انھوں نے کہا : نہیں۔ آپ (صلی اللہ علیہ وآلہ وسلم) نے فرمایا : یہ دو نمازیں یعنی عشا اور فجر منافقین پر بہت بھاری ہیں۔ اگر وہ جان لیں کہ ان کے آنے میں کیا ثواب ہے تو وہ گھٹنوں کے بل بھی چل کر آئیں اور آدمی کا دوسرے کے ساتھ مل کر نماز پڑھنا یہ زیادہ محبوب ہے اکیلے سے اور دو آدمیوں کے ساتھ مل کر پڑھنا یہ ایک آدمی سے بہتر ہے اور جتنے زیادہ ہوں اتنے اللہ کو محبوب ہیں اور پہلی صف فرشتوں کی صف کی طرح ہے۔