Sunan Al Bayhaqi: Hadith 5074

(٥٠٧٤) جابر (رض) فرماتے ہیں کہ رسول اللہ (صلی اللہ علیہ وآلہ وسلم) گھوڑے سے کھجور کے ایک تنے پر گرگئے، آپ (صلی اللہ علیہ وآلہ وسلم) کا ٹخنا نکل گیا تو آپ (صلی اللہ علیہ وآلہ وسلم) ، عائشہ (رض) کے گھر بیٹھ گئے۔ ہم آپ (صلی اللہ علیہ وآلہ وسلم) کی تیمارداری کے لیے آئے تو ہم نے آپ (صلی اللہ علیہ وآلہ وسلم) کو پایا کہ نفل نماز بیٹھ کر پڑھ رہے تھے اور ہم کھڑے تھے۔ پھر ہم آئے تو نبی (صلی اللہ علیہ وآلہ وسلم) فرض نماز بیٹھ کر پڑھ رہے تھے، ہم آپ (صلی اللہ علیہ وآلہ وسلم) کے پیچھے کھڑے ہوگئے تو آپ (صلی اللہ علیہ وآلہ وسلم) نے ہماری طرف اشارہ کیا، ہم بیٹھ گئے۔ پھر فرمایا : تم اپنے امام کی پیروی کرو۔ اگر وہ بیٹھ کر نماز پڑھے تو تم بھی بیٹھ کر نماز پڑھو اور اگر وہ کھڑا ہو کر نماز پڑھے تو تم بھی کھڑے ہو کر نماز پڑھو اور تم ایسا نہ کرو جیسے فارسی اپنے بڑوں کے لیے کرتے تھے۔