Sunan Al Bayhaqi: Hadith 511

(٥١٢) (الف) سیدنا ابن عباس (رض) فرماتے ہیں : جب یہ آیت { فِیہِ رِجَالٌ یُحِبُّونَ أَنْ یَتَطَہَّرُوا } نازل ہوئی تو نبی (صلی اللہ علیہ وآلہ وسلم) نے عویم بن ساعدہ کی طرف پیغام بھیجا اور پوچھا : یہ کون سی طہارت ہے جس پر اللہ نے تمہارے لیے تعریف کی ہے ؟ انھوں نے عرض کیا : اے اللہ کے رسول ! ہم میں سے جو مرد یا عورت قضائے حاجت کو نکلتی ہے تو وہ اپنی شرم گاہ کو پانی سے دھوتے ہیں۔ نبی (صلی اللہ علیہ وآلہ وسلم) نے فرمایا : ” اسی کے بارے میں یہ آیت نازل ہوئی ہے۔ “
(ب) سیدنا حذیفہ بن یمان (رض) سے روایت ہے کہ جب وہ پیشاب کرتے تو پانی سے استنجا کرتے اور سیدہ عائشہ (رض) سے روایت ہے کہ عورت کا اپنی اگلی شرمگاہ کو دھونا سنت ہے۔