Sunan Al Bayhaqi: Hadith 5112

(٥١١٢) ابن عائذ فرماتے ہیں کہ تین آدمیوں کی جماعت جو نبی (صلی اللہ علیہ وآلہ وسلم) کے صحابہ میں سے تھے مسجد میں آئی اور لوگ عصر کی نماز پڑھ رہے تھے۔ ظہر کی نماز سے فارغ ہوچکے تھے۔ انھوں نے لوگوں کے ساتھ نماز پڑھی۔ جب فارغ ہوئے تو ایک دوسرے سے کہنے لگے : تم نے کیسے کیا ؟ ان میں سے ایک نے کہا : میں نے اس کو ظہر بنادیا۔ پھر میں نے عصر کی نماز پڑھ لی اور دوسرا کہتا ہے : میں نے اس کو عصر بنایا اور اس کے بعد ظہر پڑھ لی، تیسرے نے کہا : میں اس کو تحیۃ المسجد بنادیا، پھر ظہر وعصر کی نماز پڑھ لی تو کسی نے کسی پر کوئی عیب نہیں لگایا۔