Sunan Al Bayhaqi: Hadith 5230

(٥٢٣٠) ابو حازم بن دینار ہیں کچھ لوگ سھل بن سعد ساعدی کے پاس آئے۔ انھوں نے منبر کو دیکھا کہ کس لکڑی سے بنایا گیا ہے ؟ پھر اس بارے میں ان سے پوچھا تو انھوں نے فرمایا : اللہ کی قسم ! میں جانتا ہوں کہ وہ کس لکڑی کا ہے۔ میں نے اس کو اس وقت دیکھا جب وہ پہلے دن رکھا گیا اور نبی (صلی اللہ علیہ وآلہ وسلم) اس پر بیٹھے۔ نبی (صلی اللہ علیہ وآلہ وسلم) نے ایک عورت کی جانب کسی کو روانہ کیا، سھل نے اس کا نام بھی لیا کہ تو اپنے بڑھئی غلام کو حکم دے کہ وہ مجھے خطبہ دینے کے لیے ایک منبر بنا دے، اس نے حکم دیا تو اس نے جھاؤ کی لکڑی سے بنایا۔ وہ عورت اس کو لے کر نبی (صلی اللہ علیہ وآلہ وسلم) کے پاس آئی۔ آپ (صلی اللہ علیہ وآلہ وسلم) نے حکم دیا تو وہاں رکھ دیا گیا۔ پھر میں نے رسول اللہ (صلی اللہ علیہ وآلہ وسلم) کو دیکھا آپ (صلی اللہ علیہ وآلہ وسلم) نے اس پر نماز پڑھی اور تکبیر کہی، پھر آپ (صلی اللہ علیہ وآلہ وسلم) نے اسی پر رکوع کیا۔ پھر نیچے اتر کر منبر کی جڑ میں یعنی بالکل ساتھ ہی سجدہ کیا۔ پھر آپ (صلی اللہ علیہ وآلہ وسلم) منبر کے اوپر چلے گئے۔ فراغت کے بعد لوگوں کی طرف متوجے ہوئے اور فرمایا : اے لوگو ! یہ میں نے اس لیے کیا ہے تاکہ تم میری اقتدا کرو اور میری نماز کو جان لو۔